NYALANDU APINGANA NA CHADEMA - STARHABARI

Post Top Ad

Responsive Ads Here

Wednesday, October 24, 2018

NYALANDU APINGANA NA CHADEMA


Na Oliva Casian

Mbunge wa zamani wa Singida Kaskazini, Lazaro Nyalandu amesema hajui chochote kuhusiana na madai ya kuwa wabunge wanaohamia Chama Cha Mapinduzi (CCM) kama wamenunuliwa badala yake ameliita jambo hilo ni masuala binafsi ya mtu juu ya chama anachotaka kukishabikia.

Kumekuwa na madai makubwa ya kununuliwa kwa wabunge nchini kutoka vyama vya upinzani kuelekea chama tawala ambapo madai hayo yanayotolewa na mara kwa mara hasa kwa viongozi na CHADEMA na CUF.

Akizungumza na www.eatv.tv lazaro Nyalandu amesema “wanaohama vyama vya upinzani sijui  kama wananunuliwa na sina jibu la hilo, mimi naamini kwamba kwenye demokrasia ya kweli kila mtu ana maamuzi yake na wale wamefanya maamuzi yao, mwisho wa yote kila mtu asimame kwenye sera anazoziamini, na siwezi kuwahukumu wamenunuliwa au hawajanunuliwa.”

Aidha Mbunge huyo wa zamani wa Singida Kaskazini amesema “natamani kuona vyama vya siasa nchini vinavumiliana, na kuondoa uadui baina ya CCM na CHADEMA, pia tujue wote tunataka Tanzania itakayofanikiwa ni fursa ya kutanua wigo wa demokrasia kwa kushindana kwa hoja na sera.”

Mpaka sasa takribani wabunge nane kutoka vyama vya Upinzani wametangaza kuhamia Chama Cha Mapinduzi CCM na kwa sababu mbalimbali ikiwemo kuunga mkono jitihada za Rais Magufuli licha ya madai ya viongozi wa vyama vyao vya upinzani kudai kuwa wananunuliwa.

No comments:

Post a Comment

Na Sakina Nchila, SABABU SIMBU KUSHINDWA KUMALIZA MBIO MAREKANI.  Maumivu hayo yalimfanya simbu kukimbia umbali wa kilometa 30 tu kati ya ...

Post Top Ad

Responsive Ads Here